Ai i cili udhëton për në Medine me qëllim vizite, duhet të dije se:

Udhëtimi për në Medine me qëllim vizite për të cilën ka argument dhe shpërblehesh për të, është vetëm ai udhëtim i cili bëhet me nijetin për të vizituar xhaminë e Profetit sal-lall-llahu alejhi ue sel-lem, dhe jo Medinen si qytet, dhe as vende dhe gjëra të tjera.

Thotë Profeti sal-lall-llahu alejhi ue sel-lem:

لا تُشَد الرحال إلا الى ثلاثة مساجد، مسجد الحرام و مسجدي هذا و المسجد الأقصى

‘’Nuk merret udhëtim (dmth: mos udhëtoni) përveç se për në tre xhamia: për në xhaminë e shenjtë, në xhaminë time dhe në xhaminë Aksa.’’ [ Buhariu dhe Muslimi]

Dijetarët thonë:

Nuk merret udhëtim – Mos udhëtoni.

• Ky hadith nxit që të udhëtohet për të vizituar këto tre xhami. Që do të thotë se shpërblehesh nëse udhëton me nijetin për të vizituar këto tre xhami.
• Ky hadith përmend udhëtimin me qëllim vizitën e xhamisë së Profetit sal-lall-llahu alejhi ue sel-lem dhe jo Medinen si qytet.

Prandaj kur thuhet:

Udhëtimi për të vizituar Medinen, do të thotë: udhëtimi për të vizituar xhaminë e Profetit sal-lall-llahu alejhi ue sel-lem dhe jo Medinen si qytet. Prandaj edhe nijeti duhet bërë me qëllim vizitën e xhamisë së Profetit sal-lall-llahu alejhi ue sel-lem.