1) Kategoria e parë:
Dhikër i cili është i saktë, por që thuhet vetëm në mëngjes. Ndërsa thënia e tij në mbrëmje është e pasaktë. Si dhe kufizimi i tij në tre herë është i pasaktë.

Për shembull dhikri:
((Radijtu bil-lahi Rabben, ue bil Islami dīnen, ue bi Muhammedin -sal-lall-llahu alejhi ue sel-lem- nebijjen))

Ky dhikër është i saktë, por ka mospajtim në lidhje me shtesën në hadith e cila përmend veçimin dhe kufizimin e tij në mëngjes dhe mbrëmje, si dhe thënien tre herë.

Më e sakta është se thënia e këtij dhikri është saktësuar vetëm në mëngjes, dhe jo në mbrëmje.
Thuhet një herë, dhe jo tre herë.

2) Kategoria e dytë:
Dhikër i cili është i saktë si dhikër, por kufizimi i tij në mëngjes dhe mbrëmje, si dhe në numër të caktuar nuk është i saktë.

Për shembull dhikri:
((Subhanall-llahi ue bihamdihi, adede khalkih, ue ridā nefsih, ue zinete arshih, ue mideede kelimetih))

Ky dhikër është i saktë [e transmeton Muslimi], por, kufizimi i tij në kohën e mëngjesit nuk përmendet në hadith, dmth: nuk përmendet se Profeti -sal-lall-llahu alejhi ue sel-lem- e ka thënë këtë në mëngjes, apo ka thënë që të thuhet në mëngjes.

Prandaj shumë prej dijetarëve të cilët e përmendin këtë dhikër në kapitull të veçantë, nuk përmendin kufizim të tij në një kohë të caktuar. Për shembull:

• Ibn Khuzejme -All-llahu e mëshiroftë- në [Sahihun e tij 1/370] e ka vendosur këtë dhikër në një kapitull (temë) të veçantë, dhe nuk përmend kufizim të tij në kohën e mëngjesit dhe të mbrëmjes.
  
  
• Po ashtu, Ibn Hibban -All-llahu e mëshiroftë- në [Sahihun e tij 3/114] e vendos këtë dhikër në kapitull të veçantë, dhe nuk përmend kufizim të thënjes së këtij dhikri në mëngjes dhe mbrëmje.
  
  
• Po ashtu, El Bejhakiu -All-llahu e mëshiroftë- në [Shuab el Iman 2/50] e vendos këtë dhikër në temë të veçantë, dhe nuk përmend veçim dhe kufizim të këtij dhikri në mëngjes dhe mbrëmje.
  
  
• Po ashtu Bin Bazi në [Mexhmu Fetewa Ibn Baz 11/212] nuk e kufizon në kohë të veçantë.
  Thotë -Rahimehull-llah-:
  وهكذا يستحب للمسلم أن يقول: (( سبحان الله العظيم و بحمده عدد خلقه، سبحان الله رضى نفسه،  سبحان الله زنة عرشه، سبحان الله  مداد كلماته )) [ ثلاث مرات ] فلها شأن عظيم ))
  “Pëlqehet që muslimani të thotë:
  ((Subhanall-llahi el Adhim ue bihamdihi adede khalkih, Subhanall-llahi ridā nefsih, Subhanall-llahi zinete arshih, Subhanall-llahi mideede kelimetih)) [tre herë];
  sepse (ky dhikër) ka pozitë dhe rëndësi të madhe.”
  Shejhu nuk e veçon dhe as nuk e kufizon me kohë të veçantë.