● Pëlqehet t’a mpreh thikën. [Shumica e dijetarëve]

— Disa dijetarë e konsiderojnë obligim që thika të jetë e mprehtë. Që do të thotë se nëse nuk është e mprehtë ka bërë haram, por, kurbani është i saktë.
قال [ فتح ذي الجلال والإكرام 6/64]  : من فوائد الحديث : وجوب حد الشفرة لقوله: ( وليحد أحدكم شفرته )
و إذا قلنا بوجب حد الشفرة صار الذبح بشفرة ليست حادة حراما.

● Të mos e mpreh thikën në sy të bagëtisë tjetër.

Është e papëlqyer (Mekruh) t’a ther bagëtinë në sy të bagëtisë tjetër.

● Është kusht që ai i cili e ther kurbanin të jetë musliman, besimtar. Ose jehudi apo i krishterë, besimtarë në fenë e tyre.
[Unanimitet i Dijetarëve]

— Ai që i thotë vetës jehudi, apo i krishterë dhe nuk beson në fenë tij, nuk pranohet therja e tij.

● Disa mendojnë se mjafton që vetëm pronari i kurbanit të thotë Bismil-lah, që do të thotë se nëse kasapi nuk thotë Bismil-lah, s’ka problem.

Shejh Ibn Uthejmini thotë:
“Kjo nuk është e saktë. Kasapi (ai që e pret), ai thotë Bismil-lah. Sepse therja është veprim i kasapit, dhe ai do e përmende emrin e All-llahut për veprimin e tij.”
و الذي يسمى : الذابح لأنه فعله، فهو يسمي على فعله.

● A duhet që jehudiu dhe i krishteri besimtar, që ther kubanin e muslimanit të thotë Bismil-lah, dhe nëse nuk e thotë a është e pranuar therja?

Ka mospajtim të madh në lidhje me këtë.

— Një pjesë thonë: “Është kusht që t’a përmende emrin e All-llahut qoftë duke thënë: NË EMËR TË ZOTIT. Nëse nuk e përmend, nuk lejohet.”

— Disa thonë: “Nuk është kusht. Edhe nëse nuk e përmend, pranohet.”

— Disa thonë: “Nëse e përmend emrin e jezusit kur e ther, nuk lejohet mishi.”

— Disa tjerë thonë: “Lejohet.”

Mospajtimi është shumë i madh.

Ajo te e cila anoj është: “Nëse nuk e përmend emrin e Zotit, dhe asnjë emër tjetër, therja konsiderohet e saktë, dhe mishi është hallall.”
[Siç thotë IBN BAZI etj]

— Nëse nuk dihet se a e ka përmend emrin e Zotit, apo emrin e jezusit, origjina është që lejohet dhe mishi hahet, siç thotë Lexhnja (Komisioni i Përhershëm).

— Nëse e di (me dëshmitarë të sigurt), apo e dëgjon vetë që e përmend emrin e jezusit, apo përmend trinitetin kur e ther bagëtinë, mos e ha mishin e saj.

● Kasapi duhet të përmend emrin e atij që bën kurbanin.

Të thotë: “O All-llah! Ky (kurban) është nga filani.”

— Disa dijetarë thonë se edhe nëse nuk e përmend, kurbani është i saktë (i vlefshëm).

● Nuk lejohet t’i jepet kasapit asgjë prej kurbanit si shpërblim (apo pagesë) për therjen.